Tony

Republic 337

Tony /
  • Created on 2024-03-11 18:09:43
  • Aligned by Tony
Ἑλληνική Transliterate
English
καὶ ὃς ἀκούσας ἀνεκάγχασέ τε μάλα σαρδάνιον καὶ εἶπεν : Ἡράκλεις , ἔφη , αὕτη ' κείνη εἰωθυῖα εἰρωνεία Σωκράτους , καὶ ταῦτ᾽ ἐγὼ ᾔδη τε καὶ τούτοις προύλεγον , ὅτι σὺ ἀποκρίνασθαι μὲν οὐκ ἐθελήσοις , εἰρωνεύσοιο δὲ καὶ πάντα μᾶλλον ποιήσοις ἀποκρινοῖο , εἴ τίς τί σε ἐρωτᾷ .

σοφὸς γὰρ εἶ , ἦν δ᾽ ἐγώ , Θρασύμαχε : εὖ οὖν ᾔδησθα ὅτι εἴ τινα ἔροιο ὁπόσα ἐστὶν τὰ δώδεκα , καὶ ἐρόμενος προείποις [ 337β ] αὐτῷ— ‘ὅπως μοι , ἄνθρωπε , μὴ ἐρεῖς ὅτι ἔστιν τὰ δώδεκα δὶς ἓξ μηδ᾽ ὅτι τρὶς τέτταρα μηδ᾽ ὅτι ἑξάκις δύο μηδ᾽ ὅτι τετράκις τρία : ὡς οὐκ ἀποδέξομαί σου ἐὰν τοιαῦτα φλυαρῇς’ —δῆλον οἶμαί σοι ἦν ὅτι οὐδεὶς ἀποκρινοῖτο τῷ οὕτως πυνθανομένῳ . ἀλλ᾽ εἴ σοι εἶπεν : ‘ὦ Θρασύμαχε , πῶς λέγεις ; μὴ ἀποκρίνωμαι ὧν προεῖπες μηδέν ; πότερον , θαυμάσιε , μηδ᾽ εἰ τούτων τι τυγχάνει ὄν , ἀλλ᾽ ἕτερον εἴπω τι [ 337ξ ] τοῦ ἀληθοῦς ; πῶς λέγεις ; τί ἂν αὐτῷ εἶπες πρὸς ταῦτα ;

εἶεν , ἔφη : ὡς δὴ ὅμοιον τοῦτο ἐκείνῳ .

( 50 ) 26% GRC
( 140 ) 74% GRC - ENG

( 195 ) 77% GRC - ENG
( 59 ) 23% ENG