Ἑλληνική Transliterate

العربية Transliterate

Ὅ δὲ παραστὰς οὐκ ἔφριξε τό μέγεθος τῆς ἀρχῆς , οὐ τὰς ἐλπιζομένας ὑπεστάλη κολάσεις , οὐ τὴν ἀγριότητα τοῦ δικάζοντος ἐδειλίασεν · ἀλλὰ τὴν ὠμότητα ταύτην , ὕλην ἐκεῖνος τοῦ φανῆναι μᾶλλον τὸν πρὸς Θεὸν αὐτοῦ πόθον νομίσας , λέων εὐθὺς εἰς ἀγῶνα εἰσῃει , μαλακὸν οὐδὲν οὐ βλέπων , οὐ λέγων , ἀλλὰ πιστούμενος μᾶλλον τοῖς παρ᾽ ἑαυτοῦ λόγοις τὰ τῷ τυράννῳ προακουσθέντα , ὡς εἴη μὲν στρατώτης Χριστοῦ καὶ αὐτοῦ μόνου προσκυνητής · τοὺς δὲ παρ᾽ αὐτῶν λεγομένους καὶ σεβομένους θεοὺς τοσοῦτον ἀπέχει τιμᾷν , ὅτι καὶ μυκτηρίζει σαφῶς καὶ βδελύττεται · ἃς δὲ καὶ ἀπειλοῦσιν αὐτοὶ βασάνους , τότε ἀνιαθήσεται πάσχων , ὅταν εἰδῇ τοὺς κολαστὰς ἤ φιλανθρώπως αὐτὰς , ἤ ἐλάττους ἐπάγοντας τῆς ἐπιθυμίας . Τιμαὶ δέ , φησιν , αἱ παρὰ σοῦ , βασιλεῦ , καὶ ἅπερ δίδως τοῖς πειθομένοις σοι ἀγαθὰ , πῶς ἃν θέλξωσι τὸν καὶ αὐτόν σοι τὸν ἐπίφθονον τῆς ἀρχῆς , αὐτὴν ἐκείνην ταῖς βασιλείαν , σὺν ἅμα πλούτοις καὶ θησαυροῖς , ἶσον καὶ λεπτῇ κόνει περιφρονοῦντάτε καὶ ἀτιμάζοντα; εἰ δὲ καὶ θάνατον ἔπαγάγοις , τότε μοι τὸ εὐκταιότατον ἴσθι ποιῶν καὶ πρὸς τὴν αληθῆ ζωὴν , καὶ τὸν αὐτῆς πλέον ἐμοὶ ποθούμενον παραπέμπων Χριστόν .