Ἑλληνική Transliterate

Latin

Ἔστι δὲ ὁ τῆς Εὐρώπης παράπλους ἀπὸ Τανάϊδος ποταμοῦ ἐκβολῶν ἕως Ἡρακλείων στηλῶν σταδίων μυριάδων ἓξ καὶ ˏθψθˊ · τῆς δὲ Λιβύης ἀπὸ Τιγγὸς ἕως στόματος Κανωβικοῦ σταδίων μυριάδων δύο καὶ ˏθσνβˊ τῆς δ’ Ἀσίας , ἀπὸ Κανώβου ἕως Τανάϊδος ποταμοῦ μετὰ τῶν κόλπων ὁ παράπλους σταδίων μυριάδων δˊ καὶ ριαˊ · ὁμοῦ παράλιος σὺν κόλποις τῆς καθ’ ἡμᾶς οἰκουμένης σταδίων μυριάδων ιγˊ καί θοβˊ , συμμετρουμένης τῆς Μαιώτιδος λίμνης , ἧς περίμετρος σταδίων ˏθ · τὸ δὲ στόμα ὁ κιμέριος βόσπορος σταδίων ικˊ . ὁ δὲ Πόντος σταδίων ˏγπγˊ · ὁ δὲ Θρακιος βόσπορος τὰ στενὰ , ὅπη Δαρεῖος ἔζευξεν ἐπὶ Σκύθας τὴν σχεδίαν , σταδίων Ϛˊ . Ἡ δὲ Περσικὴ θάλασσα κυκλοτερὴς οὖσα , συνάγουσα τὸ στόμα ἄκρῳ Καρμανίας καὶ Ἀραβίας , περίμετρον ἔχει μυριάδων δύο σταδίων . Ἔστι δὲ τὸ μεταξὺ στόμα Ἀραβίας καὶ Καρμανίας σταδίων υˊ . Ἡ δὲ Ὑρκανία ἤτοι Κασπία θάλασσα μηνοειδὴς οὖσα κατὰ δέ τινας καὶ προμήκης , ἐστὶ σταδίων δισμυρίων δισχυλίων τοῦ δὲ στόματος ἔχει τὸ δίαρμα σταδίους ˏδ . ὁ δὲ Ἀράβιος κόλπος στενὸς ὢν καὶ προμήκης ἄρχεται ἀπὸ Ἡρώων πόλεως παρὰ τὴν Τρωγλοδυτικὴν ἕως τῆς Πτολεμαΐδος τῆς ἐπὶ θύρας σταδίων ˏθ τὸ μῆκος · τὰ δὲ κατὰ Δειρὴν στενὰ σταδίων ξˊ · ἔνθεν ἑξῆς πλοῦς σταδίων ˏϚφˊ . τὸ δὲ λοιπὸν οὐ πλεῖται παρὰ τὴν ἐρυθρὰν θάλασσαν ἕως ὠκεανοῦ σταδίων Ϛˊ · τὸ δὲ παρὰ τὴν Ἀραβίαν πλευρὰν ἀπὸ Αἰλανίτου μυχοῦ σταδίων μυριάδων ˏδ . αὐτὴ δὲ ἡ Ἀραβία εἰς τὴν Ἐρυθρὰν καθήκει , καὶ μεμήκιται ἐπὶ σταδίων μυρίων δισχυλίων .