Ἑλληνική Transliterate

Latin

Λοιπὸν δὲ ἐροῦμεν τῶν καθ᾿ ἡμᾶς νήσων τὰς περιμέτρους λαβόντες παρὰ Ἀρτεμιδώρου καὶ Μενίππου καὶ ἑτέρων ἀξιοπίστων . Γάδειρα μῆκος σταδίων ρηˊ , πλάτος σταδίων ιϚˊ · ὁ δὲ καθ᾿ Ἡρακλείους στήλας πορθμὸς στενότατος ἐστὶ σταδίων πˊ . ἐν δὲ τῷ Ἰβηρικῷ πελάγει νῆσοι πιτύουσα ἡ μείζων καὶ οἰκουμένη σταδίων τῷ μῆκος · ἡ δὲ ἐλάττων στάδια ρˊ . τῶν δὲ Γυμνασίων ἃς Καρχηδόνιοι Βαλιαρίας καλοῦσιν · οἱ γὰρ σφενδονηταὶ οὕτω καλοῦνται οἱ βαλιαρεῖς · ἡ μείζων μῆκος σταδίων ˏασˊ · πλάτος σταδίων υˊ · ἡ ἐλάττων σταδίων τˊ . αἱ δὲ Στοίχαδες αἱ φερώνυμοι ἑξῆς ἐπ᾿ εὐθείας κεῖνται πρὸ τῶν Μασσαλιακῶν πόλεων · αἱ μὲν μείζους τρεῖς · δύο δὲ μικραὶ αὐτῆς ἐγγὺς Μασσαλίας · ἡ δὲ Σαρδῶ ἔχει σχῆμα ὡς ποδὸς ἰχνὸς , μεσόκοιλος · τὸ μῆκος ˏβσˊ · Κύρνος ἐγγὺς Σαρδοῦς , πολλῷ δὲ ἀγεννεστέρα , ἔλαττον ἢ ἤμισυ τοῦ Σαρδοῦς μήκους ἔχει . ἀφετήριον δ᾿ ἐς Σαρδὼ καὶ Κύρνον Ποπουλώνιον τῆς Τυρσηνίας · τὸ δὲ δίαρμα σταδίων ˏβσˊ . τῆς Σικελίας κατὰ Τιμοσθένην περίμετρος σταδίων ψμˊ · σχῆμα τρίγωνον σκαληνοειδές . δίαρμα δ᾿ ἔχει ἀπὸ Πελώρου ἄκρου εἰς Ἰταλίαν σταδίων ιαˊ . πορθμῶν πλευρὰ νήσου ἀπὸ Πελώρου εἰς Πάχυνον στάδια ˏατξˊ · ἀπὸ Παχύνου εἰς Λιλύβαιον στάδια ˏαχˊ · κατὰ Τιμοσθένην ἀπὸ Λιλυβαίου εἰς Πελωριάδα στάδια ˏαψˊ · ἀπὸ Λιλυβαίου διάπλους εἰς ἀσπίδα τῆς Λιβύης ἐγγὺς στάδια ˏαχˊ .