Ἑλληνική Transliterate

Latin

Ἔστι δὲ ἡ μεγάλη Σύρτις σταδίων εˊ · ἡ δὲ μικρὰ … ̗αχˊ · τὸ δὲ στόμα τοῦ Ἀδρίου , ὁ καλοῦσι τινὲς Ἰόνιον πέλαγος , ἔχει διάπλουν σταδίων ̗αψˊ · ἀπὸ ἄκρας Ἰαπυγίας ἐπὶ Κεραύνια ὄρη τῆς Ἠπείρου . διαδέχεται τὸ Αἰγαῖον Ἑλλήσποντος λήγων εἰς Ἄβυδον καὶ Σηστόν · εἶτα ἡ Προποντὶς λήγει εἰς Χαλκηδόνα καὶ Βυζάντιον · ἔνθα τὰ στενὰ , ἀφ’ ὧν ὁ Πόντος ἄρχεται · εἶτα ἡ Μαιῶτις λίμνη . Πάλιν δ᾿ ἀπ’ ἀρχῆς Εὐρώπης καὶ Λιβύης Ἰβηρικὸν , τὸ ἀπὸ στηλῶν εἰς Πυρήνην τὸ ὄρος · Λιγυστικὸν δὲ , τὸ ἕως τῶν τῆς Τυῤῥηνίας περάτων . Σαρδῶον δὲ τὸ ὑπὲρ Σαρδὼ νεῦον πρὸς Λιβύην κάτω · Τυρρηνικὸν δὲ τὸ μέχρι Σικελίας , ἀρχόμενον ἀπὸ τῶν Λιγυστικῆς ἄκρων · εἶτα Λιβυκὸν · εἶτα Κρητικὸν καὶ Σικελικὸν καὶ Ἰόνιον καὶ Ἀδρίαν . τὸν ἀνακεχυμένον ἐκ τοῦ Σικελικοῦ πελάγους , ὃν καλοῦσι Κορινθιακὸν κόλπον , ἤτοι Ἀλκυονίδα θάλασσαν . Τὸ Σουνίῳ καὶ Σκυλλαίῳ περιεχόμενον πέλαγος Σαρωνικὸν · εἶτα Μυρτῶον , καὶ Ἰκάριον · ἐν ᾧ αἱ Κυκλάδες · εἶτα Καρπάθιον καὶ Παμφύλιον καί Αἰγύπτιον · ὑπὲρ δὲ τὸ Ἰκάριον ἑξῆς ἀνάκειται τὸ Αἰγαῖον .