1 John 1

So Miyagawa /
Coptic Transliterate
English
1 ⲡⲉⲧϣⲟⲟⲡ ϫⲓⲛⲛϣⲟⲣⲡ . ⲡⲉⲛⲧⲁⲛⲥⲱⲧⲙ ⲉⲣⲟϥ . ⲡⲉⲛⲧⲁⲛⲛⲁⲩ ⲉⲣⲟϥ ϩⲛⲛⲉⲛⲃⲁⲗ . ⲁⲩⲱ ⲁⲛⲉⲓⲟⲣϩϥ . ⲁⲛⲉⲛϭⲓϫ ϭⲙϭⲱⲙϥ ⲉⲧⲃⲉⲡϣⲁϫⲉ ⲙⲡⲱⲛϩ . 2 ⲁⲩⲱ ⲡⲱⲛϩ ⲁϥⲟⲩⲱⲛϩ ⲉⲃⲟⲗ . ⲁⲛⲛⲁⲩ ⲉⲡⲟϥ . ⲁⲛⲣⲙⲛⲧⲣⲉ ⲙⲙⲟϥ . ⲧⲛϫⲱ ⲇⲉ ⲙⲙⲟϥ ⲛⲏⲧⲛ ϩⲱⲧⲧⲏⲩⲧⲛ . ⲙⲡⲱⲛϩ ϣⲁⲉⲛⲉϩ . ⲡⲁⲓ ⲉⲛⲉϥϩⲁⲧⲉ ⲡⲉⲓⲱⲧ . ⲉⲁϥⲟⲩⲟⲛϩϥ ⲛⲁⲛ ⲉⲃⲟⲗ . 3 ⲡⲉⲛⲧⲁⲛⲛⲁⲩ ⲉⲣⲟϥ . ⲁⲛⲥⲱⲧⲙ ⲉⲣⲟϥ ⲧⲛϫⲱ ⲙⲙⲟϥ ⲉⲣⲱⲧⲛ ϩⲱⲧⲧⲏⲩⲧⲛ . ϫⲉⲕⲁⲥ ⲉⲧⲉⲧⲛⲉϣⲱⲡⲉ ⲉⲩⲛⲧⲏⲧⲛⲕⲟⲓⲛⲱⲛⲓⲁ ⲛⲙⲙⲁⲛ . ⲛⲧⲉⲧⲉⲛⲕⲟⲓⲛⲱⲛⲓⲁ ϩⲓⲟⲩⲥⲟⲡ ϣⲱⲡⲉ ⲙⲛⲡⲉⲓⲱⲧ ⲁⲩⲱ ⲙⲛⲡⲉϥϣⲏⲣⲉ ⲓⲥ ⲡⲉⲭⲥ . 4 ⲛⲁⲓ [ ] ⲥϩⲁⲓ ⲙⲙⲟⲟⲩ ⲛⲏⲧⲛ . ϫⲉⲕⲁⲥ ⲉⲣⲉⲡⲉⲛⲣⲁϣⲉ ϣⲱⲡⲉ ⲉϥϫⲏⲕ ⲉⲃⲟⲗ .

5 ⲁⲩⲱ ⲡⲁⲓ ⲡⲉ ⲡϣⲁϫⲉ ⲛⲧⲁⲛⲥⲱⲧⲙ ⲉⲣⲟϥ ⲉⲃⲟⲗ ϩⲓⲧⲟⲟⲧϥ . ⲉⲛⲧⲁⲩⲟ ⲙⲙⲟϥ ⲉⲡⲱⲧⲛ . ϫⲉ ⲡⲛⲟⲩⲧⲉ ⲟⲩⲟⲉⲓⲛ ⲡⲉ . ⲁⲩⲱ ⲙⲙⲛⲗⲁⲁⲩ ⲛⲕⲁⲕⲉ ⲟⲩⲱⲧ ⲛϩⲏⲧϥ . 6 ⲉⲛϣⲁⲛϫⲟⲟⲥ . ϫⲉ ⲟⲩⲛⲧⲁⲛⲕⲟⲓⲛⲱⲛⲓⲁ ⲛⲙⲙⲁϥ . ⲁⲩⲱ ⲛⲧⲛⲙⲟⲟϣⲉ ϩⲙⲡⲕⲁⲕⲉ . ⲉⲛϫⲓϭⲟⲗ ⲁⲩⲱ ⲛⲧⲛⲉⲓⲣⲉ ⲁⲛ ⲛⲧⲙⲉ . 7 ⲉⲛϣⲁⲛⲙⲟⲟϣⲉ ⲇⲉ ⲛⲧⲟϥ ϩⲙⲡⲟⲩⲟⲉⲓⲛ ⲛⲑⲉ ⲛⲧⲟϥ ⲉⲧϥϩⲙⲡⲟⲩⲟⲉⲓⲛ . ⲉⲓⲉ ⲟⲩⲛⲧⲁⲛ ⲙⲙⲁⲩ ⲛⲟⲩⲕⲟⲓⲛⲱⲛⲓⲁ ⲙⲛⲛⲉⲛⲉⲣⲏⲩ . ⲁⲩⲱ ⲡⲉⲥⲛⲟϥ ⲛⲓⲥ ⲡⲉϥϣⲏⲣⲉ ⲛⲁⲧⲃⲃⲟⲛ ⲉⲃⲟⲗ ϩⲛⲛⲟⲃⲉ ⲛⲓⲙ . 8 ⲉⲛϣⲁⲛϫⲟⲟⲥ ϫⲉ ⲙⲙⲛⲛⲟⲃⲉ ⲉⲣⲟⲛ . ⲉⲛⲣϩⲁⲗ ⲙⲙⲟⲛ [ ⲙⲁⲩ ] ⲁⲁⲛ . ⲁⲩⲱ ⲛⲧⲙⲉ ⲛϩⲏⲧⲛ ⲁⲛ . 9 ⲉⲛϣⲁⲛϩⲟⲙⲟⲗⲟⲅⲉⲓ ⲛⲧⲟϥ ⲛⲛⲉⲛⲛⲟⲃⲉ . ⲟⲩⲡⲓⲥⲧⲟⲥ ⲡⲉ ⲁⲩⲱ ⲟⲩⲙⲉ ⲡⲉ ⲉⲧⲣⲉϥⲕⲱ ⲉⲃⲟⲗ ⲛⲛⲉⲛⲛⲟⲃⲉ ⲁⲩⲱ ⲛϥⲧⲃⲃⲟⲛ ⲉⲃⲟⲗ ϩⲛϫⲓ ⲛϭⲟⲛⲥ ⲛⲓⲙ . 10 ⲉⲛϣⲁⲛϫⲟⲟⲥ ϫⲉ ⲙⲡⲛⲣⲛⲟⲃⲉ ⲉⲛⲉⲓⲣⲉ ⲙⲙⲟϥ ⲛⲣⲉϥϫⲓϭⲟⲗ . ⲁⲩⲱ ⲡⲉϥϣⲁϫⲉ ⲛϩⲏⲧⲛ ⲁⲛ . ( Horner )

( 149 ) 71% COP
( 60 ) 29% COP - ENG

( 113 ) 38% COP - ENG
( 186 ) 62% ENG