Ἑλληνική Transliterate

Latin

Πελοποννήσου δὲ ὁ περίπλους καὶ τῶν κόλπων συμμετρουμένων στάδια ˏεχκζˊ , χωρὶς δὲ τοῦ κατακολπίσαι ὁ περίπλους σταδίων ˏδ . μῆκος δὲ ἀπὸ Μαλέας ἕως Αἰγείου στάδια ˏανˊ . ἔχει δὲ ὅμοιον σχῆμα φύλλῳ πλατάνου , κόλποις μεγάλοις τεμνομένη . συνάγεται μὲν εἰς τὸν Κορίνθιων ἰσθμὸν , πλάτος σταδίω μˊ . ἀπὸ τοῦ Κορινθίου κόλπου καὶ Σαρωνικοῦ ἐπὶ τὸ Σκύλλαιον ἀκρὸν ἐξ εὐωνύμων ἔνθα πρόκειται νῆσος Καλαυρία Ποσειδῶνος ἱερά . ἑξῆς δ᾿ ὁ Ἀργολικὸς κόλπος μέχρι Μαλέας ἄκρου , ὃ πολὺ προπέπτωκεν εἰς πέλαγος . εἶτα ὁ Ἑρμιονικὸς κόλπος . ἑξῆς δὲ μετὰ Μαλέαν Λακωνικὸς κόλπος ἕως Ταινάρου ἐκ δεξιῶν · ὃ περιορίζει ἐξ εὐωνύμων τὸν Μεσσηνιακὸν κόλπον · οὗ ἐκ δεξιῶν Ἀκρίτας ἄκρα . εἶτα προπέπτωκεν ἄκρον Ἰχθὺς , καθ᾿ ὃν κεῖται Ζάκυνθος , καὶ ἕτερον ὁ Χελωνάτας · τελευταῖον δ᾿ ἄκρον ἄῤῥαξος ἀντιπρόσωπον Ἀκαρνανίας μεθ᾿ ὃν ὁ Κορινθιακὸς ἀναχεῖται κόλπος · ζˊ σταδίων συγκλειόμενος στόματι κατὰ τὸ ῥίον ἄκρον , ὅ ἐστι τῆς Πελοποννήσου τὸ δ᾿ Ἀντίῤῥιον Λοκρίδος . ἀπὸ Ταινάρου ἐπὶ Φυκοῦντα Λιβύης τὸ δίαρμα στάδια ˏγ .